لا ضاق صدري

[اسيرالحب]

السلام عليكم
اليكم هذه القصيدة ارجو ان تحوز على رضاكم ,,وهي من كتاباتي


لاضاق صدري قمت اولف على القاف ***** مثايل تطري ببالي تصانيف

ويصير لي مع حومة الفكر ميقاف ***** وبالشعر اصرف زايد الهجس تصريف

باسباب حب اللي تكمل بالاوصاف ***** اللي شبيهه بالغنادير ماشيف

اليا نقض شقر الى حد الارداف ***** تزهى جمال معزل الوسط ونحيف

لافلها تضفي على روس الاكتاف ***** كنه مصففها على الجسم تصفي

العام معطيني مواثيق واحلاف ***** انه يصون العهد رغم الصواديف

واليوم خلاني على جال مهياف***** لانيب فالغبة ولاني على السيف

وجنى علي من والي العرش ماخاف ***** واللي جنيته منه ضحكة وتسويف

واتلف بساتين الحشا عندي اتلاف ***** قبله غصونه مورقات مواريف

وانا مقاصيدي شريفات ونضاف ***** مالي على درب الردى فيه تهديف

رغم ان قلبي عقب فرقاه ميلاف ***** اقصى مراد ي من وصاله سواليف

وحب بليا ود وخلاص ينعاف ***** وعشق يوطي الراس مافيه تشريف

يلومني ناس مهابيل واجلاف ***** مجموع فكرتهم عن الحب تخريف

مالوم راعي الحب لو صابه اشعاف ***** ولو جاوب الورقى بروس المشاريف

من كثر ماعانى ومن كثر ماشاف ***** تلعب بفكره عاتيات العواصيف

تلقاه من هرج القفا دوم خواف***** كنه يهدد من معاديه بالسيف

دايم على كبده من الغبن مرضاف ***** ويسهر ويلحق نون عينه تكاليف

قلته وانا ماشي على درب الانكاف ***** وحظي خذلني مامشى لي على الكيف

لو كان جرحي لاحمر الدم نزاف ***** وجرحي تخبيه الضلوع المهاديف

وصلاة ربي عد من بالحرم طاف ***** على على نبي الحق خير العواريف