هل يحق للشاب تفتيش جوال اخته ؟!

[وعد]

بسم الله الرحمن الرحيم
السلام عليكم ورحمه الله وبركاته
بناقش معاكم اليوم موضووع
وبدي منكم الصراحه والتفاعل
اكيد الكل يعلم ان في بعض الشباب فيهم مثل ما نقول وسوسه او شك او فضول او او او بأنه يفتش ,,
جوال اخته سواء كان يفتش الرسائل
او ارقام المكالمات او اي شي ثاني واليكم الاسئله الاتيه:
هل يحق للشاب تفتيش جوال اخته؟
ماذا ستفعلين لو اكتشفتي ان اخاك يفعل هذا بصراحه؟
هل نقول على من يفعل هذا الشي مريض او عديم الثقه؟ ام ماذا؟؟
: للشباب في المستقبل هل ستفعل هذا مع زوجتك ؟؟ و هل تأيد هذا الفعل ؟؟؟
للبناات: في المستقبل هل تقبلين هذا من زوجك ام لا ؟؟؟
ارجوا ان تكون الاسئله خفيفه عليكم واتمنى الاجاابه بكل صرااحه وصدق’’’

[أمـــ SLT ـــل]

السلام عليكم ورحمة الله تعالى وبركاته

مشكورة "وعد" على الموضوع

مع احترام رأي الجميع أنا ضد ها الفكرة
يعني اللي بدي افهمو ع شو عم يدور الشب من ورا ها الشغلة ؟؟؟ هي كلها ترجع لانعدام الثقة
نحكي بصراحة يعني لو البنت عندها اشي خاص وتعرف انو اخوها رح يدور بجهازها رح تترك حاجات بالجهاز اكيد لا مانكدب ع بعض بس لو من الاول كان في ثقة واخوة عن جد ليش لنبلش نخفي وندور ع المشاكل كان بالعكس رح يكون اخوها هو بئر اسرارها مو بئر قبرها

هل يحق للشاب تفتيش جوال اخته؟
لا مايحقلو

ماذا ستفعلين لو اكتشفتي ان اخاك يفعل هذا بصراحه؟
الحمد لله ماصارت معي ومابظن رح تصير وبصراحة مابعرف شو رح تكون ردة فعلي!!!

هل نقول على من يفعل هذا الشي مريض او عديم الثقه؟ ام ماذا؟؟
عديم الثقة وبدور ع شغلة هو اصلا مو عارف ع شو عم يدور من ورا ها الشي

للبناات: في المستقبل هل تقبلين هذا من زوجك ام لا ؟؟؟
لا مابقل يعني هاد بكون ابسط شي يؤدي لانعدام الثقة كيف رح تستمر الحياة بعد هيك
مشكورة مرة تانية وعد على الموضوع

تقبلي مروري وفائق احترامي

[الحبيب22]

الثقة عنوان كل شيء واذا انعدمت الثقة انعدم كل شيء

مبداء مرفووووووووووووووووووووض

يسلموعلى الموضوع

[رنووش بنت فلسطينيه]

مشكوره وعد
وانا بضم صوتي الهم اكيد
وبحكي هاد الشي غلط
وكله عدم الثقه
ما عمره صار معي هيك ولا بتمنى يصير معي هيك
لانه ما بعرف النتائج شو رح تكون
بس بالنسبه الي هاد شي غلط
مشكوره

[نورا المصريه]

برد بقران الله (ولا تجسسوا ) وده نهى من رب العالمين عن التصرف ده طبعا

[جورج الفلسطيني]

شو وين راحت الثقة
يا حرام
والله والليي اسمه الله
بتمني تكنلي اخت لاشيلها فوق راسي
بس الزمن حرمنا البنات
وانتو كلم خواتي
وهاده الشي بشرفني

[Abo 3di]

يعطيكي العافية اختي وعد على هذا الموضوع المميز

انا رح احكي رأيي بكل صراحة انا من بين الناس اللي ما بدنا نحكي تفتيش خلينا نحكي بتصفح وبعدين انا عندي رد للاخوات اللي بحكو انو هذا الفعل يأتي من عدم ثقة الاخ بأخته وانا اخالفهن الرأي يعني انا بالنسبة الي بهتم بأختي وحاجتها لاني خايف عليها مش لانو عندي مرض نفسي و اي شيى من هذا القبيل ......

لانو هذا الزمان مليان بالناس اللي بطصيدو للبنات ..... الغافلات عن حالهم ... و اذا ما كان في حدا مثل الام او الاب او الاخ بضيعو ...

[سيد الامنيات]

انا من رئي اخوي سلفر في حال انه كانت الاخت كانت اصغر منى لكن اذا كانت بمعمري او اكبر مني متل ما هو حاصل معي فأنا ما بأيد رئيو ابدا

وانا اختي اكبر مني لكن متصارحين في كل شي كل شي والحمد لله ما في مشاكل


وبصراحة الواحد بصير اذا صار معاه اي مشكلة لا سمح الله بيكون الأخ او الأخت اول من يلجأ إليه

[دموع الغصون]

هل يحق للشاب تفتيش جوال اخته؟
بتصور في فرئ بين تفتيش وبين انه يشوفه عادي
التفتيش بكون من غير علمها و نتيجه انعدم الثقه بينهم وهي اكيد مرفوضه
اما ازا كنوا معودين ومافي شي نخبى ومافي فرئ فشي طبيعي وحئهم

ماذا ستفعلين لو اكتشفتي ان اخاك يفعل هذا بصراحه؟
انا عادي مافي فرئ بين موبايلي او موبايل اخوي مافي شي مخبى عنهم لحتى ازعل او اديئ

هل نقول على من يفعل هذا الشي مريض او عديم الثقه؟ ام ماذا؟؟
مارح احكي مريض بس بتصور مافي ثقه وهوه الخطأ مو بس عالشب لا كمان عالبنت هيه بتكون عدمت الثقه بينها وبن اخوها
هون بدي علق على نقطه حكوها الشباب انه هوه بفتش موبايل اخته الانه بده يحيمها بتصور مو هيك الحمايه انته بتحميها بس هيه مابتعرف وين غلطها
بس ماتحميها وجهاً لوجه يعني انصحها بوجهها مو من ورى ظهرها كون صديق الها لانه اكيد ازا البنت فئدت حنان اخوها رح دور على حنان حد غريب وهون بكون خطر عليها وعلى علائة الاخوه بينهم

للبناات: في المستقبل هل تقبلين هذا من زوجك ام لا ؟؟؟
ازا كان عدم ثقه اكيد لا ازاكان هيك اوك وين الغلط
بس انا بتصور ماحيكون بينا فرئ رح نكون ئدام بعض صفحه بيضاء

مشكورة وعد موضوع حلو للنقاش
حلو نعرف اراء الكل هون
مشكوره على النشاط والرقي في طرح المواضيع
دمتِ متميزة

[عالم غريب]

في زمان نعدام الثقه فيه حاب احكي رئيي انا

انا قرائة ردودكم بصراحه

في هذا الوقت الي في انحلل غير شكل في عالم يسود فيه

النفوس المريضه الي بتجذب البنت لدمار نفسها والي حوليها

انا بحكي من حق الاخو يحافظ على اخته ويكون بينهم صارحه

بكل شي تاني شي امر طبيعي ما في اخ بيرضا اخته تحكي مع

شاب من وراء ظهرو واكيد نحن مسلمين مو غربين ما عنا غيرى

اي انسان بيغار على اخته شو مكانت النتيجه

وهذا اسمه مو تخلف والا مرض نفسي لما الشخص يغار

على عرضو وحاب اضيف كمان لو اي بنت بدها تخبي

شي عن اخوها ما بتترك شي في جوالها وهذا شي

مؤكد منه بس عادي لو اخذ جوالها يسمع الي فيه

من نغمات او فيديو كليب على شان ينزال عندو امر طبيعي

هلاء لزوجه

ما في رجل في العالم الا فتح موبايل زوجته

يشوفو مو غلط يحافظ على زوجته مو شايف الغلط

في فرق بين الانسان يكون واثق من زوجته وعدم الثقه

عدم الثقه ما بتكون في الموبايل الموبايل امر عادي

الزوج ياخذو يتصل منه او حاب يشوف شو فيه هذا لا يعني

ما بيثق الشخص بزوجتة لو شاف رقم غريب وحاب يسئلها

لمين هذا الرقم امر طبيعي ما بتصل لشك

وعدم الثقه لانه لو نعدمة الثقه بين اثنين ليش يبقو مع بعض

انا بشكرك على طرحك على الموضوع

وهذا من رئيي انا وبحترام رائيي

تحياتي الك وعد

عالم غريب

[سيد الامنيات]

ما شاء الله عليك عالم غريب دائما ردودك منطقية وجميلة

اقدم لك احترامي.. وتقديري... وتحياتي ...

اتمنى التوفيق للجميع

[وعد]

مشكورين جميعا على التفاعل الرائع
ارائكم مميزة اشكركم من كل قلبي
ودي واحترامي

[كيكو]

جزاك الله خير على هذا الموضوع




الأخ ماعندوا الحق في تفتيش جوال أخته بتاتا